考考你：
「地球上有幾多%的水可以供人飲用？」
「甚麼是『基本食水供應』？」
「氣候乾旱的地方，怎樣能夠找到水源？」
以上有關「水資源」的問題，你知道答案嗎？（文末開估！）
「水」可說是其中一個最切身影響助養孩子及社區的範疇，「助養學堂」今年最後一課，就為助養者深入淺出地講解「助養兒童計劃」如何幫助孩子享有清潔食水。課堂已於 12 月 9 日圓滿舉行，同學仔都非常投入課堂，以下讓我們一同重溫當日精華！
飲「水」思源：解構水資源現況 介紹孩子社區的「通水法寶」
在今日的香港，清水唾手可得，而且有完善的水質管理，因此我們未必對清水供應的問題感到急在眉睫。但世界上有不少地方，包括助養孩子的社區，都面對著不同程度的水資源問題，特別在「先天缺水」的非洲地區，水資源情況更是「水深火熱」。
我們在課堂中透過講解供水原理和孩子社區個案，以及互動環節，帶領參加者放眼世界，了解現時世界各地水資源的情況，以及宣明會如何為孩子社區出盡「法寶」，因應不同地理和氣候條件推行水利項目，以可持續發展的方式開拓水資源。
|
|
有獎「小測」環節：
看看哪位同學仔是隱世的「水知識小博士」！
|
互動小實驗：
小朋友變身小小科學家，齊齊認識重力供水系統的原理。
|
|
|
在座的同學仔都留心「聽書」，更積極回答問題，值得一讚！
|
這位同學仔又答中一題了，「Yeah！」
|
恭喜這 3 位同學在「小測」最快答對最多問題，獲得宣明會《十個勇敢追夢的孩子》英文故事書作獎勵！（不只小朋友，連大朋友都有份㗎！）
助養孩子「教路」 以有限資源變出土法洗手器
課堂中，同學們也嘗試製作「免觸式」洗手器，親身體驗非洲孩子如何就地取材以流水洗手，保障健康。這個洗手器共有 4 個部分，包括：支架、肥皂、洗手瓶及腳踏，而同學仔的製成品要滿足以下條件才算成功：
1. 支架要穩固，不能東歪西倒
2. 使用時需使用腳踏拉洗手瓶，令水（白色珠）向下流出
3. 放開腳踏後，洗手瓶需還原至起初狀態
自製洗手器的確不容易，但現場無論大朋友、小朋友都十分投入參與，合作滿分！
「堂課」時間：慳水大計 齊齊諗計
課堂完結前，我們特別準備了課堂工作紙，讓同學仔寫下在日常生活中節約用水的方法，並簽署「慳水公約」，承諾會珍惜用水，並向家人和朋友分享有關水資源的知識。
|
|
同學仔一起絞盡腦汁，認真完成「堂課」。
|
|
看看同學仔交回的「堂課」，上面寫道：
「我會儲夠衣物才開洗衣機清洗！」；
「我會用盆子浸洗碗碟！」；
更有同學承諾會「減少玩水槍」呢！
其他「貼堂」作品，來看看同學仔還有哪些慳水妙計！
我們珍惜資源的意識，需要跟上社會發展的步伐，這樣的發展才「可持續」下去。經過這節課堂，相信一班同學仔都更有意識要珍惜水資源，為孩子社區、為地球盡一分力呢！
來年我們亦會繼續舉辦不同主題的「助養學堂」及其他助養者活動，深入淺出地為大家講解教育、健康等不同範疇的工作，如何為助養孩子和社區帶來持續改善，期待大家踴躍參與！
延伸閱讀：水資源小知識
還記得開首有關「水知識」的3條問題嗎？現在就來看看答案吧！
（請向右掃查看答案）
1. 地球上嘅水，有幾多 % 係可飲用淡水？
答案：少於 1 %
地球表面有超過 70% 係被水覆蓋，但當中大部分都係海水，只有少於 2.5% 係淡水，而呢啲淡水有大約 2/3 係蘊藏於冰山同冰川裡面，並唔能夠取用，所以實際可以畀我哋飲用嘅淡水，只佔地球總水量唔夠 1%。
聯合國估計世界人口喺2022 年底，已經突破 80 億。面對人口持續上升，地球上嘅淡水資源可謂愈來愈「杯水車薪」。
2. 非洲偏遠地區嘅婦女同小孩，平均每日要行幾多公里打水？
答案：6 公里
非洲偏遠地區嘅婦女同小孩，估計每日平均要行 6 公里打水，相當於我哋赤腳來回尖沙咀同長沙灣！打水嘅路途既崎嶇又危險，而佢哋辛苦攞返嚟嘅水，往往都係未經處理嘅污水。
根據世界衛生組織嘅指引，一個地方要有安全嘅水源，而且攞水嘅路程（包括輪候打水嘅時間）來回唔超過 30 分鐘，先為之有「基本食水供應」；而根據呢個標準，截至 2022 年，全世界仍然有超過 7 億人缺乏「基本食水供應」。
3. 喺冇水用嘅地方，可以點「抽水」？
答案：可以因應氣候、地勢等等嚟「抽水」！
要開拓水資源，其中一個常見做法係興建水井；而喺缺乏地下水，或者因為地理、氣候等因素而缺乏水源嘅地方，我哋可以因地制宜，利用可持續嘅方法取得水資源。
例如喺陽光充足嘅非洲，我哋會利用太陽能驅動嘅機械化系統嚟供水；喺高處搭建水缸同水管，運用重力供水系統，就可以引水去民居。香港嘅前深水埗配水庫都曾經利用重力供水系統，解決香港開埠初期人口急增帶嚟嘅供水問題。
